Prokleti drač,
Med niskima je visoki,
Z dežđom i soncem
Prvi se gosti
Med sporima je fletni,
Žuri se kaj jutro
Prvo njega zarosi.
Med slabima je jaki,
Želen je vlasti,
Pak slogi prkosi,
Med retkima je gusti,
Su zemlju pokrije,
Fkradne, ne prosi.
Nema vrta bez drača,
Podmukloga igrača,
On nigdar nema mira,
Moreš ga zadušiti,
V otrovu ftopiti,
On navek svoje tira,
I po zemlji
Za svoj račun ordinira.
(A. Horvat, 2018)
