(uz 132. rođendan Frana Galovića)
Vu vetru se niše kostanjova grana,
Na bregu pri kleti gde vlada čkomina.
Prerano je kostanj sam ostal, bez sina,
Slavuja natkrilila črna je vrana.
Kostanju na srcu žareča je rana,
Pajdaša je zgubil, samotna sudbina,
Čez šumore čuje se versov milina,
Prestrelena duša lublenoga Frana.
Još živi ta duša vu kostanju živom,
Med vetrima diše, proletni dežđ pije,
To drago je lice med listjem narisal.
Počiva stoletje pod korom mu sivom,
Da znal bi i mogel, da žalosten nije,
I kostanj bi Franu spomenek napisal.
(A. Horvat, 2019)
